Open menu
Fy Mhensiwn Caerdyddar Fro
Chwilio | Hygyrchedd
029 2087 2334 | Pensiynau@caerdydd.gov.uk

Buddion mewn achos Marwolaeth

Os byddwch yn marw tra eich bod yn aelod o’r Cynllun Pensiwn Llywodraeth Leol (CPLlL), telir swm crynswth fel grant marwolaeth gwerth 3 gwaith eich cyflog pensiynadwy blynyddol yn ôl y gofyniad yn eich Ffurflen Enwebu Grant Marwolaeth.

Os oes gennych gyfnod blaenorol o aelodaeth CPLlL (h.y. cyfnod a ohiriwyd), byddwn yn cyfrifo y grant marwolaeth taladwy o’r cyfnod aelodaeth cyfredol a’r cyfnod aelodaeth a ohiriwyd – a byddwn yn talu p’un bynnag yw’r swm uwch.

Bydd llenwi Ffurflen Enwebu Grant Marwolaeth yn caniatáu ichi enwebu un unigolyn neu sefydliad neu fwy, i dderbyn taliad y grant marwolaeth.

Os nad ydych wedi llenwi Ffurflen Enwebu Grant Marwolaeth, gwneir taliad i’ch Cynrychiolwyr Ystad/Personol, ond gallai gymryd amser hirach i wneud y taliad.

Byddwn bob amser yn ceisio talu eich Grant Marwolaeth i’r person(au) a enwebwyd, fodd bynnag, nid ydym wedi’n rhwymo’n gyfreithiol gan yr enwebiad hwn ac mae gan Gronfa Pensiwn Caerdydd a Bro Morgannwg ddisgresiwn absoliwt o ran sut y telir eich Grant Marwolaeth.

Cofiwch cadw gwybodaeth eich Ffurflen Enwebu grant marwolaeth yn gyfredol.

Buddion i’r Goroeswr

Mae Cynllun Pensiwn Llywodraeth Leol (CPLlL) yn darparu yswiriant ar gyfer eich teulu os byddwch yn marw, gyda phensiwn ar gyfer y rhai sy’n eich goroesi chi – gall y person fod yn briod â chi, yn Bartner Sifil Cofrestredig neu, yn ddarostyngedig i amodau cymhwyso penodol, yn Bartner Cyd-fyw Cymwys i chi, yn ogystal â phlant cymwys.

Telir pensiwn y goroeswr i’ch briod, i’ch partner sifil cofrestredig, neu eich partner cyd-fyw cymwys (mae amodau cymhwyso penodol yn berthnasol) drwy gydol eu hoes.

Gweler sut y cyfrifir buddion pensiwn y goroeswr .

Er mwyn talu pensiwn y goroeswr i’ch Partner Cyd-fyw, mae’n rhaid i’r holl amodau canlynol fod yn berthnasol am gyfnod di-dor o ddwy flynedd o leiaf cyn eich marwolaeth:

  • Mae’r ddau ohonoch yn gymwys i briodi neu fod mewn partneriaeth sifil gyda’ch gilydd
  • Rydych chi wedi bod yn byw gyda’ch gilydd fel gŵr a gwraig, neu fel partneriaid sifil
  • Nid oedd y naill neu’r llall ohonoch chi wedi bod yn byw gyda rhywun arall fel gŵr a gwraig, nac fel partneriaid sifil
  • Mae eich partner yn dibynnu arnoch yn ariannol neu rydych chi’ch dau yn annibynnol ar eich gilydd yn ariannol.

Pensiynau Plant

Os bydd aelod cyfredol o’r Cynllun Pensiwn Llywodraeth Leol (CPLlL) yn marw gan adael un Plentyn Cymwys neu fwy, byddai ganddynt yr hawl i bensiwn plant, a fydd yn daladwy o’r diwrnod ar ôl marwolaeth yr aelod.

Gall plant cymwys fod yn gyfreithlon, yn anghyfreithlon neu wedi eu mabwysiadu, neu unrhyw blentyn sydd wedi’i dderbyn yn aelod o’r teulu, ac a oedd yn dibynnu ar yr aelod pan oedd ef/hi yn cyfrannu at y cynllun.

Os oes gan y plentyn cymwys anabledd gorfforol neu feddyliol ers yr adeg cyn iddo fod yn 18, bydd y pensiwn plentyn yn cael ei dalu tra bydd yr anabledd yn bresennol.

Gellir talu pensiynau i blant sy’n hŷn na 18 oed, ar yr amod eu bod mewn addysg amser llawn parhaus, neu’n cyflawni cwrs hyfforddiant cymeradwy am o leiaf 2 flynedd.

Sylwer bod y pensiwn plant yn daladwy hyd at uchafswm oed o 23 . Dyma fanylion sut y cyfrifir Pensiynau Plant .

 

Os oes unrhyw gwestiynau ychwanegol, mae croeso ichi gysylltu â ni

Gwasanaeth Cynghori Ariannol

Gwasanaeth diduedd wedi’i greu gan y Llywodraeth i roi cyngor diragfarn am ddim.  Cewch fanteisio ar gynllunwyr cyllideb gwych yn ogystal ag offer arall.

Gwasanaeth Cynghori Ariannol

Gwasanaeth Cynghori ar Bensiwn

Gwefan y Llywodraeth yn cynnig canllawiau ac arweiniad diduedd am ddim ar bensiynau

Beth sydd ar gael

Gwybodaeth ac offer ar-lein, gwasanaeth sgwrsio ar-lein, llinell gymorth ffôn, apwyntiadau personol

Gwasanaeth Cynghori ar Bensiwn

Cwestiwn?

Cysylltwch â ni.

Gofyn am ddogfen mewn fformat hygyrch.

Top

© Cronfa Bensiwn Caerdydd a’r Bro Morgannwg - Gwefan wedi'i gynllunio gan Tȋm y We Cyngor Caerdydd

Polisi PreifatrwyddPolisi Cwcis