Sgamiau pensiwn

Mae sgamwyr pensiwn yn defnyddio tactegau gwerthu sy’n rhoi pwysau ar unigolion ac yn rhoi cynigion deniadol i’ch annog i drosglwyddo eich cronfa bensiwn, neu i ryddhau arian ohono.

Efallai y byddant yn ceisio eich temtio gydag:

• adolygiadau pensiwn am ddim,
• profion iechyd,
• enillion uchel ar gynilion,
• benthyciadau pensiwn, neu
• arian parod ymlaen llaw.

Yn aml, gall sgamwyr ymddangos yn gyfeillgar, yn broffesiynol ac yn wybodus am arian. Maent yn defnyddio’r tactegau hyn er mwyn eich cael i ymddiried ynddynt ac i gael gafael ar eich pensiwn.

Hyd yn oed os ydych yn meddwl eich bod wedi siarad â rhywun credadwy am gyfle pensiwn, dylech bob amser wneud yn siŵr eu bod wedi’u cofrestru gyda’r Awdurdod Ymddygiad Ariannol (AYA) cyn i chi wneud unrhyw benderfyniadau ariannol.

Mae’n anghyfreithlon i alw rhywun yn ddiwahoddiad am gyfleoedd pensiwn. Os bydd rhywun yn eich galw’n ddiwahoddiad, yna mae’n debygol iawn bod rhywun yn ceisio eich twyllo. Dylech ddod â’r alwad i ben a hysbysu Swyddfa’r Comisiynydd Gwybodaeth.

Nid yw cyngor proffesiynol am bensiynau byth yn rhad ac am ddim. Byddwch yn wyliadwrus o unrhyw un sy’n cynnig cyngor am ddim, fel adolygiad pensiwn, gan ei fod yn debygol iawn o fod yn sgam.

Bydd llawer o sgamwyr pensiwn yn dweud eu bod yn gweithredu ar ran yr AYA neu Money Helper i ennill eich ymddiriedaeth a gwneud i chi gredu eu bod yn gredadwy.
Gallwch darganfod a yw rhywun sy’n cynnig cyngor pensiwn wedi’i awdurdodi a’i gofrestru gyda’r AYA ar eu gwefan, neu drwy ffonio 0800 111 6768.

Os oes gennych ddiddordeb yn gwneud newidiadau i’ch trefniadau pensiwn, dylech ystyried cael cyngor ariannol yn gyntaf. Cyn i chi siarad â rhywun am eich trefniadau pensiwn, gwnewch yn siŵr eu bod wedi eu cofrestru gyda’r AYA
Gallwch ddarganfod mwy am gyngor ariannol a dod o hyd i gynghorydd ar wefan MoneyHelper.

Os ydych yn amau sgam, dylech roi gwybod amdano cyn gynted â phosibl. Gallwch rhoi gwybod am sgam ar wefan Action Fraud neu drwy ffonio 0300 123 1113

Os ydych wedi cytuno i drosglwyddo’ch pensiwn, ond rydych bellach yn credu y gallai fod yn sgam, dylech gysylltu â’ch darparwr pensiwn cyn gynted â phosibl. Efallai y byddant yn gallu atal y trosglwyddiad cyn iddo ddigwydd.

Os ydych eisoes wedi dioddef sgam, gallech gael eich targedu eto. Efallai bod eich manylion wedi cael eu gwerthu i sgamiwr arall er mwyn iddynt allu cyflawni sgam dilynol. Gallai hyn fod ar wahân neu’n gysylltiedig â’r sgam cyntaf, ac efallai y byddant yn ceisio:

• cynnig i gael eich arian yn ôl, neu
• brynu’r buddsoddiad yn ôl am ffi.

Dylech fod yn wyliadwrus iawn o unrhyw un sy’n dweud y gallant eich helpu i gael eich arian yn ôl. Dylech wneud yn siŵr eu bod wedi eu hawdurdodi a’u cofrestru gyda’r AYA cyn i chi gymryd camau pellach. Os nad ydynt, dylech roi gwybod i’r AYA neu Action Fraud.

Os byddwch yn penderfynu trosglwyddo’ch pensiwn i gynllun, dylech ymchwilio’n llawn iddo cyn i chi symud unrhyw arian. Cymerwch eich amser i wneud gwiriadau a pheidiwch â rhuthro i wneud penderfyniad. Gallwch gael mwy o wybodaeth am drosglwyddo eich buddion pensiwn blaenorol.

Efallai y byddwch eisiau siarad ag ymgynghorydd ariannol er mwyn iddynt allu siarad â chi am eich opsiynau a’ch helpu i wneud y penderfyniad gorau. Gallwch ddod o hyd restr o gwestiynau pwysig i’w gofyn i’ch ymgynghorydd ariannol ar wefan Money Helper.

Gallwch hefyd ymweld â gwefan Money Helper i gael arweiniad diduedd.