Wedi gadael ar neu ar ôl 1 Ebrill 2014

Mae Oedran Ymddeol Arferol y cynllun yn gysylltiedig â’ch oedran pensiwn y wladwriaeth, ond gallwch ddewis derbyn eich buddion CPLlL ar unrhyw adeg o 55 oed. Fodd bynnag, os ydych yn ymddeol cyn eich oedran ymddeol arferol, gellir lleihau eich pensiwn ar gyfer taliad cynnar – gweler Ffactorau Ymddeol yn Gynnar (PDF) , wedi’i gyfrifo gan Adran Actiwari’r Llywodraeth (GAD).

Mewn achosion o afiechyd, NID OES UNRHYW derfyn oedran.

Os gadawsoch chi’r cynllun ar neu ar ôl 1 Ebrill 2014, caiff eich buddion gohiriedig eu cyfrifo ar sail Cyfartaledd Cyflog Gyrfa wedi’i Adbrisio (CARE) o 1 Ebrill 2014. Fodd bynnag, os daethoch yn aelod o’r cynllun cyn y dyddiad hwn, bydd y buddion a gronnwyd hyd at 31 Mawrth 2014 yn parhau i gael eu cyfrifo ar sail Cyflog Terfynol, gan ddefnyddio eich tâl pensiynadwy  ar y dyddiad y gadawsoch y cynllun.

Bydd adio gwerth eich Cyflog Terfynol a’ch buddion CARE ynghyd yn rhoi cyfanswm gwerth eich buddion gohiriedig.  Byddwch hefyd yn cael yr opsiwn i ildio peth o’ch pensiwn er mwyn derbyn arian di-dreth – gweler y tab Cyfnewid eich Pensiwn isod i gael mwy o wybodaeth.

Beth os dechreuais ar y cynllun ar neu ar ôl 1 Ebrill 2014?
NI fydd y cyfeiriadau at ‘Gyflog Terfynol’ yn yr adran hon yn berthnasol felly dylid cyfeirio at yr adrannau Buddion CARE a Cyfnewid eich Pensiwn yn unig.

Os daethoch yn aelod o’r Cynllun Pensiwn Llywodraeth Leol (CPLlL) ar neu cyn 31 Mawrth 2014 a gadawsoch chi ar ôl 1 Ebrill 2014, bydd eich aelodaeth hyd at 31 Mawrth 2014 wedi cael ei chyfrifo trwy ddefnyddio eich tâl pensiynadwy cyfwerth amser cyfan ar y dyddiad y penderfynoch beidio ag ymuno neu’r dyddiad y gadawsoch.

Eich Aelodaeth o’r Cynllun
Bydd eich aelodaeth hyd at 31 Mawrth 2014 wedi cael ei mesur mewn blynyddoedd a diwrnodau ac mae’n cynnwys unrhyw aelodaeth a ddyrannwyd i drosglwyddo hawliau pensiwn blaenorol i’r cynllun.

Os oeddech yn gweithio’n rhan-amser yn ystod y cyfnodau hyn, mae’n debyg mai pro rata oedd eich aelodaeth gyfan yn unol â’ch oriau rhan-amser.

Eich Cyflog Terfynol
Hwn yw swm y tâl pensiynadwy yr ydych wedi’i dderbyn yn ystod blwyddyn olaf eich cyflogaeth h.y. 365 diwrnod yn ôl o’ch diwrnod gadael.  Fodd bynnag, gallai fod yn seiliedig ar y ddwy flynedd flaenorol, os oedd tâl pensiynadwy uwch.

Os ydych yn gweithio’n rhan-amser, caiff eich tâl terfynol ei gyfrif fel cyfwerth amser cyfan.

NI fydd unrhyw oramser heb gontract a weithiwyd gennych yn cael ei gynnwys wrth gyfrifo eich tâl terfynol.

Cyfrifo eich Buddion Gohiriedig
Yn achos aelodaeth hyd at 31 Mawrth 2008, caiff buddion eu cyfrifo ar rannau o 80, gyda hawl awtomatig i gyfandaliad cyfwerth â theirgwaith eich pensiwn blynyddol.

Aelodaeth ÷ 80 x Tâl Terfynol = Pensiwn Blynyddol

Yn achos aelodaeth o 1 Ebrill 2008 tan 31 Mawrth 2014, caiff buddion eu cyfrifo trwy ddefnyddio rhannau o 60, ond HEB hawl i gyfandaliad awtomatig.

Aelodaeth ÷ 60 x Tâl Terfynol = Pensiwn Blynyddol

Cyfanswm cyfunol eich pensiwn rhannau 60 a 80 fydd cyfanswm eich pensiwn blynyddol CPLlL, a hefyd byddwch yn derbyn cyfandaliad awtomatig ar gyfer eich cyfnod aelodaeth cyn 31 Mawrth 2008.

Fodd bynnag, byddwch hefyd yn cael yr opsiwn pan fyddwch yn ymddeol o ildio peth o’ch pensiwn i gynyddu eich cyfandaliad awtomatig neu ennill peth arian di-dreth os dechreuoch yn y cynllun ar neu ar ôl 1 Ebrill 2008.

Yn achos eich aelodaeth o 1 Ebrill 2014, caiff eich buddion gohiriedig eu cyfrifo ar sail Cyfartaledd Cyflog Gyrfa wedi’i Adbrisio (CARE).

Pan oeddech yn aelod gweithredol, roedd gennych Gyfrif Pensiwn ar gyfer pob cyflogaeth bensiynadwy a fyddai wedi’i gredydu bob blwyddyn â swm y pensiwn a gronnwyd gennych o 1 Ebrill tan 31 Mawrth.

Byddai swm y pensiwn i’w roi wedi bod yn seiliedig ar eich cyflog pensiynadwy gwirioneddol, wedi’i addasu gan y gyfradd groniadau 1/49.  Yna byddai eich cyfrif(on) wedi cronni a chael eu hadbrisio bob mis Ebrill yn unol â’r mynegai costau byw priodol.

Cyfrifo Elfen CARE eich Buddion Gohiriedig
Byddai swm y pensiwn a gredydwyd i’ch cyfrif bob blwyddyn wedi cael ei gyfrifo fel a ganlyn:

Cyflog Pensiynadwy Gwirioneddol o 1 Ebrill tan 31 Mawrth ÷ 49 = Pensiwn a roddir

Byddai taliadau gormser heb gontract wedi cael eu cynnwys wrth asesu eich tâl pensiynadwy.

Fodd bynnag, nid yw hyn yn orfodol ac efallai y byddwch am gyfnewid llai na’r uchafswm a ganiateir.

Ar ôl i chi ymddeol, byddwch yn cael yr opsiwn i ildio peth o’ch pensiwn er mwyn cael cyfandaliad di-dreth – a elwir yn Gyfnewidiad.  Am bob £1 o’ch pensiwn rydych yn ei ildio, byddwch yn derbyn £12 o gyfandaliad (hyd at 25% o werth cyfalaf eich buddion ac yn ogystal ag unrhyw hawl cyfandaliad awtomatig a allai fod gennych o ran eich aelodaeth hyd at ac yn cynnwys 31 Mawrth 2008).

Pan fyddwch yn dweud wrthym eich bod yn ystyried ymddeol, byddwn yn anfon eich manylion ymddeol atoch a fydd yn cynnwys ffigurau ar gyfer eich gwerthoedd pensiwn sylfaenol ac uchafswm y symiau cyfandaliad ychwanegol y gallwch eu cymryd.  Byddwn hefyd yn anfon manylion atoch ynglŷn â sut i gyfnewid eich pensiwn am gyfandaliad.

Os ydych erioed wedi cyfrannu at drefniad AVC mewnol, gallech ystyried defnyddio’r gronfa hon i hybu eich buddion CPLlL.  NI fydd unrhyw ostyngiad i’ch pensiwn blynyddol er mwyn rhoi cyfandaliad di-dreth yn lleihau unrhyw fuddion goroeswr dilynol a allai fod yn daladwy ar ôl i chi farw.